Toxirjon Ismoilov Abdulxamitovich

Biografiya

2014 yil 16-iyuldan buyon Namangan viloyati madaniyat boshqarmasi tasarrufidagi 2-son Bolalar musiqa va sanʼat maktabi direktori  lavozimida ishlab kelmoqda. Umumiy pedagogik malakasi 12 yilni tashkil etadi. U maktab direktori lavozimida ishlash jarayonida o‘z sohasining bilimdoni va yaxshi tashkilotchi rahbar sifatida o‘zini namoyon etib kelmoqda. O‘zining intizomi, qatiyatliligi va talabchanligi bilan maktab o‘qituvchilari va o‘quvchilari orasida obro‘ qozonib, jamoada maʼnaviy – ruhiy va sog‘lom muhitni yaxshilashga erishdi.
2025-yil 18-avgusdan Mingbuloq tumani 21-sonli Bolalar musiqa va san'at maktabida direktorlik vazifasida faoliyatini davom ettirib kelmoqda.

O‘quvchi yoshlarning ijodiy salohiyatini ro‘yobga chiqarish uchun zarur shart-sharoitlarni yaratish madaniy-maʼrifiy, musiqiy hamda estetik tarbiyalash jarayonida musiqa maktabida qator tadbirlar o‘tkazib kelmoqda. Qabul jarayonini tashkil etishda maktab hududida joylashgan maktablar bilan hamkorlik shartnomalari tuzilib, yil davomida  umumiy o‘rta taʼlim maktab o‘quvchilari musiqa maktabiga taklif etilib, musiqaga yo‘naltirish ishlarini muntazam olib bormoqda. Maktab  o‘quvchilari yakka va guruh tartibda o‘tkazilayotgan darslarda faol qatnashib kelishmoqda. Musiqa maktabidagi maʼnaviyat va maʼrifat xonasi, va boshqa yakka va guruh mashg‘ulotlari olib borilayotgan xonalar kerakli o‘quv jihozlari bilan to‘liq taʼminlangan. O‘quvchilarni iqtidori va qobiliyatini oshirishda yil davomida qator davra suhbatlari, baxs munozaralar, o‘z sohasini yetuk namoyyondalari ishtirokida mahorat darslari, maʼnaviy maʼrifiy tabdirlar o‘tkazilib kelinmoqda. Xalq ijodiyoti va badiiy havaskorlik sanʼatini saqlab qolish va rivojlantirish, badiiy va amaliy ijodiy jamoalar, havaskorlik guruhlarini tashkil etish maqsadida maktabda xalq cholg'ulari ansambli, maqom ansambli tashkil etildi. Maktabda xoreografiya yo‘nalishi hamda halq cholg‘ulari yo‘nalishlari faoliyati yana-da kengaytirildi va natijada dora, dutor sinflari faoliyati yangitdan yo‘lga qo‘yildi hamda xalq cholg‘ulari, maqom ansambli,  faoliyati yo‘lga qo‘yildi.  2014-2025 o‘quv yillari davrida o‘tkazilgan shahar, viloyat hamda Respublika darajasidagi ko‘rik-tanlovlarda maktabning iqtidorli o‘quvchilari faol ishtirok etib qator g‘olibliklarni qo‘lga kiritdi. Xususan, uning rahbarligi ostida maktab o‘quvchilari “Musiqa maktablari ansambllari Respublika ko‘rik tanlovi”ning tuman va viloyat bosqichida beshta yo‘nalishda ishtirok etib birinchilikni qo‘lga kiritishdi, Respublika bosqichda uchinchi o‘rinni qo‘lga kiritishdi. Qolaversa, “Sanʼat yo‘nalishlari Respublika tanlovining” tuman viloyat bosqichida to‘rtta yo‘nalish bo‘yicha fahrli birinchi o‘rinni qo‘lga kiritib, ushbu tanlovning Respublika bosqichida fahrli birinchi va ikkinchi o‘rinlarni qo‘lga kiritib qaytishdi.

2020-2024 o‘quv yillari davomida maktabning fortepiano, torli cholg‘ular, damli cholg‘ular yo‘nalishi o‘quvchi va o‘qituvchilari Rossiya, Qozog‘iston, Yevropa va Osiyo davlatlarida bo‘lib o‘tgan onlayn ko‘rik-tanlovlarda ham faol ishtirok etishib fahrli I-II-III-o‘rinlarni qo‘lga kiritishdi. Ijtimoiy himoyaga muxtoj kam taʼminlangan oila farzandalari, yetim va shunga tenglashtirilgan o‘quvchilarni doimiy nazoratga olib moddiy va maʼnaviy qo‘llab  kelmokda.